أمثال شعبية

أمثال تونسية مرتبة أبجديا

أًعمِلْ الخير و أرمي في البحر
أَعملْ الخيرْ و انساهْ و اعْمل الشّر و اتفكرو
أًعمِلْ الفرض و انقب الأرض
أًعمِلْ كيف جارك والا حول باب دارك
أخطا راسي وأضرب
أضرب القطوسة تتربى العروسة
الاعمى كي يرجع يشوف يلوح العصا الي مشاتو
أعمل يا خصيب تصيب

إ

إبني و علّي و موت و خلّي
إلّي والفْ بالحْفى, ينسى صبّاطو (من يعتاد المشي حفياً على الأقدام، ينسى حذائه)
إلّى خلّى النْباتْ, ما ماتْ
إلّي يبيعك بالفول، بيعا بالقشور
إلّي يسرق يغلب الي يحاحي
إلّي يتبع الحمام الجالي يروّح للمغاغر ( يطلق هذا المثل على من يختلط باصحاب السوء )
إلّي يتبع خطوة الحمام ينسى خطوتو ( معناه من يحاول تغيير طباعه ينسى طباعه الاصلية و لا يتعلم الجديدة )
إلّي يعْرف عِزَو كلام الناس ما يهزو
إلّي يعمل الخيرْ ما يْشاورْش ( يعني إذا شخص أراد أن يساعد أحدهم لا يستأذن منه)
إلّي ما فيه قلب يْموت سْمين مْعشعش
إلي برجو بالمرمة إموت في صطل بغلي
إلي تحرق مالشربة يولي ينفخ عالسلاطة
إلّي ما قْرا ما دْرَى وإلّي ما تجوّل ما رَا
إلّي ليك ليك و إللي خاطيك خاطيك
إلّي يحسب وحدو يفضلو
إلّي يعطي سلاحو يْموت بيه
إلّي في القلب في القلب
إلّي تشكيله يبكيلك
إلّي تلمدو النمالة في عام ايهزو الفيل في عفسة
إلّي تلمّو النمّـــــالة في عــــام يطبّو الجمـــل فرد فم
إلّي تلموا النمالة في عام ياكلو الجمل في فم
إلّي جابتّو (هزّتو) ساقيه العصا ليه
إلّي حبّك حبه ما تفرطشي فيه...واللي بيعك بيعه وما تسالشي عليه
إلّي خاف نجا
إلّي ضاع صباحو ضاع رباحو
إلّي عطا كلمتو عطا رقبتو
إلّي في القدر يجيبه المغرف
إلّي في القلب في القلب
إلّي فيه طبة عمرها ما تتخبي
إلّي كلاتو العنز جداري يطلع على ظهرها دباغ
إلّي ليك ليك و اللي خاتيك خاتيك
إلّي ما ايطولش اللية ايقول منتنا هيا
إلّي ما شاف المرمة ما يعرفش اش فما
إلّي ما شاف لا عرس ولا مرمّة ما يعرفش الدنيا وما فمّه
إلّي ما هزوش قبرو يرقد فوق منو
إلّي ما يسمعش كبيرو الهم تدبيرو
إلّي ما يشبع من القصعة ما يشبع من لحيسها
إلّي ما يلحقش النخلة يقــــول سيــــش
إلّي ماهوش مستانس بالبخور تتحرق حوايجوا
إلّي مغطي بمتاع الناس عريان
إلّي وجهها يفجعها رزق بوها ينفعها
إلّي يبيعك بالفول بيع بالقشور
إلّي يحب الكل يخلي الكل
إلّي يحب الممو يسهر الليل بكلو (مثل المثل العربي: من طلب العلى سهر اليالي)
إلّي يحسب وحــــدو يفضــــــلو
إلّي يدير روحه كدوة يتحمل رقيص الجديان
إلّي يعتي سلاحوا يموت بيه
إلّي يعتيك حبل كتفوا بيه
إلي سماك غناك
إلي ما يفديش الثار بوه حمار
إلي شاهي شهوة يديرها في عشاه
إذا عييت إحسب روحك كيف بديت
إذا تحب تعلّم ولدك الكلام, حطّو صانع حجّام
إذا كان الدّواء مرْ, الدّاء أمرْ
إذا كان المتكلّم مهبول, يكون السّامع عاقل
إذا كان خصيمكْ القاضي لاشكون بشْ تشكي
إذا كان وليدكم إضربْ وليدنا، هكّا حال الصّغار، وإذا كان وليدنا ضرب وليدكمْ، يشومْ النهار
إذا وكلت شبع و اذا ضربت وجع
إذا فاتك الهدرا (الكلام) قول سمعت واذا فاتك الماكلا (الطعام) قول شبعت.
إذا كان الكلام فضّة، يكون السّكات ذهب
إذا كان النويح بالطلبّة *** لا ترحم من مات
إذا كان ذيل الكلب اينجيك من الغرق اش عليك في نتونتو
إذا بكِيتْ، إبْكِي حْذا المهمومْ، وإذا غنّيتْ، غنِّي حْذا المغروم
إذا كان فطور طبيخة يجي الدرك ع الطماطم
إذا كبر ولدك خاويه
إذا لقيت الزهو والطرب لا تبدلو لا بشقا ولا بتعب
إذا ما يحطّــــب يقشقـــــــش
إذا نصحك التاجر راهو شطر النصيحة ليه
إذا وكلت شبّع ، وإذا ضربت وجّع
إذا غاب عليك اصلو أنظر أفعالو
إش يا ذبانة مافمة في الدنيا كان انا ( تقال على الغرور)
إلمغطي بمتاع الناس عريان
الربيع ربّع واللبن قراس، وإلّي عندو صبية يزوجها لترّاس .
إجبد ما ترُدْ, الجبال تتهد
إجبدني نعصر بدني
إحسبني كي خوك وحاسبني كى عدوك
إمشي بالنية وأرقد في الثنية
إسأل صاحبك إستغناش أما الطبيعة ما تتنساش
إسأل مجرب ولا تسأل طبيب
إستنا يا دجاجة حتى ايجيك القمح من باجة
إسمع كلام مرتك وخالف رايها
إضحك لدنيا تضحكلك
اخدم بصوردي وحاسب البطال
إطعم الفم تستحى العين
إلي جابها لزكو الله لا تفكو
امشي صحيح لا تتدرع لا تطيح
إلي ما يشبع مالقصعة ما يشبع ملحيسها
إلي ما تعرفش تغسل الدوارة ماخذتها في ولد الناس خسارة و إلي ما يعرش السليخة و الذبيحة ماخذتو في بنت الناس فضيحة
إلي ترحيه مباركة يسفو خرقها
إلي عندو ولاد ما يعضم عالسراق و إلي عندو البنات ما يعضم عالزانات
إذا تقصد أقصد دار كبيرا إذا ما تتعشا تبات في الدفا

ا

العار أطول من الأعمار
الحنضلة ما تولي تفاحة و الخرشي ما تبان فيه ملاحة ( معناه الشخص ذو الطباع السيئة مهما تصرفت معه برقي لا ينفع معه )
الباي باي حتى في شكارة ( معناه مهما ساءت احوال الانسان ذو الهمة العالية والانفة يبقى دوما عزيزا)
البهيم تبدل و الكرَيطة هي هي (الكريطة تعني العربة)
البقرة كي تطيح تكثر سكاكينها
الجمل مايراش حدبته
المتنقلة مذبالة ولو تكون عروقها في الما
المحبّة ما آنحبّك والصّبر ما نصبر عليك
العروسة طويلة والباب قصير
النُخالة ما تصير دقيق والعدو ما يصير صديق
النّاس تعرف النّاس والخيل تعرف ركّابها
الربيع واللبن قراص واللي عندو صبية يعطيها لتراس (رجل مفعم بالرجولة)
اللي عندو كسوة ما يبيعها، برد تونس في ربيعها
النفخة والمبات في السبخة (يعني الغرور على لا شيء)

1. العظمة ماتقول طق كان كي فيها شق

الشكارة والبحر
الشنقة مع الجماعة .. خلاعة
الفرزيط يزمّر والنميله تعمّر
الفهيم من غمزه والبهيم من همزه.
الفلوس تحيي النفوس... وطهّر المنجوس... وترد الشّايب عروس
الفم المغلوق ما تدخله ذبّانة
الحركة بركة والبطالة هلكة
القمح يدور, يدور ويرجع إلى قلب الرحى
الشّفايِفْ تْبوسْ، والقلوبْ فيها السُّوسْ
الماء الماشي للسدرة الزيتونة أولى بيه
العلم في الصغر كالنقش على الحجر
الزغاريد أكثر من الكسكسي
الشيب و العيب
الصحبة صحبة والنية ما فماش
الناس من الناس. والناس أجناس:
ناس فضة وناس نحاس. ناس دهب وناس الماس. ناس كيف التاج فوق الراس وناس تحت السقين تنداس ناس كيف الملايكة. وناس كيف الوسواس الخناس ناس تتباس وناس تستاهل الضرب بالمهراس

الصوف يتباع بالرزانة
الطماع يبات ساري
الغيرة تذهب الشيرة
العزوزة هاززها الواد و هي تقول العام صابة
العز بعد الوالدين حرام
المخنوقة ضحكت على المذبوحة ياخي المصموطة ماتت بالضحك
المجراب تهمزو مرافقو
الماء اللي ماشي للسدرة الكرمة اولى بيه
الزلقة بفلقة
الله لا تقطعنا عادة
الله يلهينا بحوايجنا
الله لا يشمت فينا اعدا
الله لا يحضرنا محاضر سو. (سوء)
الله يطيح بينا من يرفق بينا
الله لا يكشف علينا حال
الإسم العالي والمربط الخالي
الكثرة وقلّة البركة
المليح يبطا
القرد في عين امو غزال
البغل تبدل و الكريطة هي هي
البير بير و الماجل ماجل و البوليس عمرو ما يولّي راجل
إسئل على صاحبك إستغناش أما الطبيعة هي هيا
الزمان تعكس الورد تقلع و البصل تغرس
الجرح يبرى يا صبرة و تغطيه الضميدة و كلمة السوء ياصبرة تمسّي و تصبح جديدة.
المتغطي بمتاع الناس عريان
اللي متعدي على زرع الناس حط زرعة في الثنية
الجمل هازز الحمل و القراد ينين
الزنازة حامية و الميت كلب
اللوم بعد القضاء بدعة
المرا يخطبوها ألف وتبات عند واحد
العمشاء في دار العميان للات لعيون
اللسان الزين مدفوع في الدين
البلدي بلدي ولو كان زيت و دردي
الضحكة تجي عند راس الميت
اليتيم يتيم الام
اليد الحارة تباس
الهامل هامل لو كان يلبس من الذهب فرامل
الميّت ما يقوم، و الصاحب ما يدوم، و قليلْ الأصل ما عليه لُومْ
الحر من غمزة و البهيم من همزة
العم عماني و الخال خلاني والبو شق السبع بحور وجاني
المال يخلف لهبال
الضيف ضيف لو كان يقعد شتى و صيف
الزمان يوري واللي خانها زينها تعري واللي خانته رجلته يتبع الذري
الحنة في الأقدام والسعد لقدام
الدقلة دقلة والعريق عريق
الشتا شدة والربيع منام والصيف ضيف والخريف هو العام
الله يكف يدينا على ما يذينا (يؤذينا)
اللي يجيبه الخريف، يديه الشتا (يفتكه)
الفلوس تمشي والرجال تجيب
الزين في العقل الي حاشتو بالطول يلقاه في النخل و الي حاشتو بالهبرة يلقاه في البڨرة
الوجه إلي تحشم بيه قابل بيه
الفقر و الفرعنة
العجة سبب الهجة
الفم يبوس و القلب فيه السوس
الزنازة حامية و الميت كلب
الباهي باهي كان يقوم مالنوم و المشوم مشوم كان يعوم كل يوم
العظمة ما تقول تَقْ إلا ما فيها شَقْ
البوسة تشيح و الغمزة يهزها الريح أما الفايدة في الضرب الصحيح
الفم ما يقول لا والقضية ما تتقضى
الفرطاسة تتفزعك بشعر لوزتها
الحمام المكسور يرسي ع القصر الخالي
اشرب ولا طير قرنك
الرجال تكسب والطحانة تحسب

آ

آش يخرج لعروسة من دار بوها
آش ايقول الميت قدام غاسلو
آش تعمل يا عمايلك
آش كون إيقول للصيد فمك أبخر
آش كون شكار العروسة أمها وخالاتها
آش لــزّك حـــتّى الواد يهــــــزّك
آش يشبّــــــــــع الجمــــل من الدفــــــاف
آشكون امشى للقبر وجاب الخبر
آش مدخل بسم لله في عشانا
آش لز حمه يغني

ب

محمد الصادق باي - لقب «الباي» لقب تركي يعني وال أو حاكم إقليم أو أمير تابع للإمبراطورية العثمانية.
الباي باي حتى في شكارة ( معناه مهما ساءت احوال الانسان ذو الهمة العالية والانفة يبقى دوما عزيزا)
بَقْرَ الله في زَرْعْ الله
بعد ما شاب هزوه للكتاب (يعني بعد ما اصبح مسن ادخلوه للكتاب للدراسة, يقال المثل عند القيام بالشيء بعد فوات الأوان)
بوس الكلب من فمو حتى تقضي حاجتك منو
بوسعدية خايف من الكلب و الكلب خايف من بو سعدية
باب النجار محطم
بات على غيظ وما تصبح على ندم
بات ليلة حذا الجران صبح يقرقر (من عاشر قوما صار منهم)
بات ليلة سردوك ولا 10 دجاجة
باش امالفا يا قديدة .قالت بالملح والشريطة
باش تكرّه روحك يا يتيم، قال بالجهد و المعين ربي
بخت وسعود موش تعرية زنود
بعد ماضي سيفه علّق منجل
بهيم قدم قرعة
بهيمك النكاس ولا قعدانك للناس
بولة بلا بصة كي القزرنة بلا عسة
بين اللقمة و الفم يا حاكم إلي حكم
برد الصيف أحد من السيف
بعد ما كلا و إستهل قال عشانا بالبصل

ت

تبّع السّارقْ إلى بابْ الدّارْ
تعاركوا الخوات جدت على البهلولات
تعدى على واد هرهار و ما تتعداش على واد ساكت (اي ان تمر من على واد دائم التحرك و الهيجان احسن من ان تمر على واد ساكن لأنه قد يخفي مفاجآت, كناية عن الشخص الدائم السكوت و الغامض و الذي يمكن أن نظن انه مسالم و لكنه يخفي مفاجأت و يكون اعنف و اشر من شخص دائم الكلام)
تاجوراء مارتيش عمر
تبديل السروج فيه راحة
تبع السارق حتى الباب الدار
تسلك المرأة طريق العبيد لتسود الرجل ويسلك الرجل طريق الأسياد لتستعبده المرأة. 500
تعارك الريح و البحر جات الضربة في المراكب
تعارك سعد و مسعود هزو مباركة للحبس
تعارك مع صاحبو في الشارع روح الى مرتو طلقها
تعيـــــش الكلاب في روس المجانــــــين
تغطي في عين الشمس بالغربال
تغيب السكرة وتحضر المداينية
تعشى وتمشى.
تمشي أيام الحرويدة وتجي أيام النجيح نوادروحصيدة وتناجر مليانة بالعيش (تمشي أيام الفقر وتجي أيام زاهية )

ث

ج

جاء يعاون فيه على قبر بوه هربلو بالفاس ( اى استنجد به لاعانته فزاده تعب على تعب ومشاكل على مشاكل)
جاء كاري ولا ملاك
جاء يحرقسلها عماها
جاء يطبها عماها
جاي من تالي و يعيط يا مالي
جاب الصيد من وذنه
جرح الاخوة يبريه الدفال
جزار يعضم على مراقزي
جا يقلد في مشية الحمام نسى مشيتو
جا يقول صحة قال سداف
جاك الموت يا تارك الصلاة
جاي يحبي من تحت الي يمرد
جمل ضحك ضحكة فمو تشرق

ح

حانوت مسكّر ولا كرية مشومة (مشومة = سيئة)
حمل الجماعة ريش ( اي ان الشيء الصعب او الحمل الثقيل يصبح سهلا و حملا خيفا إذا تعاون الجميع عليه)
حوت يأكل حوت وقليل الجهد يموت
حلال عليكم، حرام علينا
حل الصرة تلقا الخيط
حط البهيم بحذا لبهيم كان ما علمو النهيق إعلمو الشهيق
حابسة و تمركي
حَبْلُ الكذب قصير و حبل الصِّدق طويل
حدك حد المسقي...أما المسفوف يغصص
حديثك في اللي ما يفهمكش رزية و لا نقص في الاعمار
حرث العجول ما يكبّر نوادر
حط بوشك في صعدة وقول قدر عليه ربي
حط كوزك في الحدراية و قول سرسباته الملائكة
حط كوزك في الخدرة و قول تبزع
حط ولدك مع البهيم إذا ما علمو النهيق ، إعلمو الشهيق
حمورية في الوجه ولا غصة في القلب
حيوط مدرقة و هموم مفرقة
حتى هو ربي مخصي العفاريت
حظر الحصيرة قبل الجامع
حكم العازب عالهجالة
حكّان دكّان لكلنا وخيّان
حلف عاللحم و شرب المرقة حلف عالدار ودخل الزنقة
حدك حد المسقي أما المسفوف يغصص
حزار مراتو طحان خواتو، حزار خواتو طحان مراتو

خ

خوذ العلم من روس الفكارن
خْبِير المُومِن قًلبو
خانتها ذراعها قالت مسحورة (كناية عن الشخص الذي تخونه قدراته فيبدأ يبحث عن اسباب و تفاسير يعلق عليها فشله)
خدمة بوه لا يعايروه
خدمة النهار ما فيها عار
خوذ الكلام اللي يبكيك، وما تاخوش الكلام اللي يضحكك
خيرنا ماشي الغيرنا
خوك خوك ولا يغرك صاحبك
خناب الدجاج حط يده على راسه

د


شربة تونسية
دار بونا وعاركونا
دزو خوه طاح في الشربة
دار خًر طُر تدقّ الباب يحلّولك الكل
دار الخلاء تبيع اللفت
دار بلا كبير كيف سانية بلا بير
ذيل الكلب حطوه 100 سنة في قصبة طلع أعوج (دليل على فساد الطبع)
ذيل الكلب حطو في القالب 40 سنة عمرو ما يتقد
دوخة تدخل مالباب تخرج مالخوخة

ر

راس الفرطاس قريب لربي
ربي يعرف ميمونة وميمونة تعرف ربي
رجعت حليمه، لعادتها القديمه
رضينا بالهم والهم مارضاش بينا
رتاحت العمشة من غسيل الصابون
رخص الحرير حتى مسحوا به الطناجر
ربي مخصي / كساس العفاريت (رادع كل ظالم)
ربي يكبرنا في طاعته
ربي من فوق يخلص الحقوق
ربي موجود على عباده يجود
راقد على صدرها وناوي غدرها
رد بالك من السكبان يحرش القطوس ويبكس مع الفيران.

ز

زيد الماء زيد الدقيق (يقال للعمل غير المتقن الذي يطول دون فائدة بسبب غياب الخبرة)
زيتنا في دقيقنا و خيرنا في خميرنا
زبنا في الي ما يحبنا و الي ما يحبنا زبنا فيه
زيتنا في دقيقنا و خيرنا في خميرنا

س

سَبِّقْ الخِير تَلْقى الخِير ( يقال في التفاؤل خيرا بما قد يحدث )
سوّدْ وجْهك و قولْ راني فحّام
سارق وفي يدو شمعة
ستنّي يا دجاجة لنّ يجيك القمح من باجة
سبعة صنايع و البخت ضايع

ش

شاشية هذا على رأس هذا
شاف قمح الناس بزع شعيرو
شوية مالحنة شوية من رطابة ليدين
شتاتك في ربيعها ووزرتك ما تبيعها
معناها أن الدنيا ممكن تبرد في أول أيام الربيع إذا ما تبيعش وزرتك يعني ( الغطاء) بلاكش تبرد الدنيا.
شد مشومك لا يجيك ما أشوم
شهوة الصبية بالالوف مشرية
شمس النوار تخلي الدوار
معناها شمس الربيع مضرة
شاقي ولا مرتاح
شاقي ولا محتاج
شرط العازب على الهجالة
شلاقاتي وملاقاتي، نشق على قلبي وأفادي، ونقصد بلاد لا غير بلادي
شهوة صبية بالالوف مشرية
شدّ مشومك لا يجيك ما أشوم
شلز حمه يغني
شدوه للعشا ربط بهيمو و بات

ص

صنعة بوه لا يعايروه (عندما يرث الإبن مهنة ابيه)
صارت غريبة لا عمرها صارت الخيل عقبت و البهايم غارت (اي ان اهل البلاد قد دخل عليهم الغرباء(البراينية) و اصبحو اكثر من السكان الاصليين)
صام صام وفطر على بصلة

ض

ضحكولو تمد على طولو
ضربني وبكى سبقني و شكى (الظالم يشتكي من المظلوم)
الضحك ساعة والبكي مشوار
ضربها راجلها دارت على سلفها
الضحكة تجي عند راس الميت

ط

طول بلا غلة
طامع في الكسرة من دار الشر

ظ

ع

عاش شاهي بلحه مات علقولو عرجون
عالبوهالي طلق مرتو وعطاهالي
عامل/اعمل روحك مهبول تعيش
عروسة ونافسة وليلة عيد
عريان يسلب في ميت
عريان و في يده خوسة
عزوزة هازها الواد وهي تقول العام صابة
عزوزة... وشدت سارق
عزوزة ما إهمها القرص
عصفور في اليد و لا عشرة فوق الشجرة
علموه و حاروا فيه
عملوها لوزر وحلت فيها لبقر
عيطة و شهود على ذبيحة قنفود
عــين تــبــكــي وعــين فــي اســمــاعـــيـــل
على عينين حماتي
عود الصيف ينفع في الشتا
عيش بالمنى يا كمون
عشا البخيلة لا ما لا منديلة
عز نفسك تصيبها, النفس نفسك وانت طبيبها
غ

غرغر يا غراب. (انتهى الحديث)

ف

في المال ولا في الابدان
فردة ولقات اختها
فيق يا شفيق
فليّس مع فليّس يولّي كديّس
فرحة و ما دامتش
في هاك السردوك نريشو
فتحوها الفيران، طاحوا فيها الثيران
في بلادك يعدّيك ساسك، وفي بلاد النّاس يعدّيك لباسك
في الزمان المعكوس، الذنابي تولّي روس، ويسكت المنيار ويتكلّم الخنفوس
فاش تمضغ يا جدّة؟ في علكة عامنوّل
فارعني كي نكبر و ما تبكيش عليا كي نموت
الفم الحارك و الزك البارك
في التراب و لا لولاد القحاب
فرحان بالعصيدة يتصكك عريان

ق

قلو يقوي سعدك قلو توة توة
قال له : يا خالي آش تكون منّى؟ قال له: إذا ماتت أمّك، لا تكون منّي لانكون منّك
قالوا يا حما ماكنتش كنّه، قالت : كنت ونسيت
قالو للبغل شكون بوك, قاللهُم الحصان خالي
قالو شنوه إلي دخلك في الحيط يامسمار قالو من الهم إلي وريا
قالو يبابا هيا نوليو شرفا قالو حتى يموتو كبار إلحومة
قالو وخر قالو ظهر لبهيم أوفا
قالّو "يا بابا خوذلي مرا". قالّو:" كان دام علينا ها الحال حتّى أمّك انطلقوها"
قالولوا يا لعمى أش تحب قاللهم شكارة ضؤ
قصوله يده جات صالحة للطنبور
قرب النار حذا النار الخو يولي جار
قص الراس تنشف لعروق
قلل ناسك يرتاح راسك

ك

كان الضبع يجي حجام حتى الغولة تجي طبيبة
كان الكذب ينجّي .. الصدق أنجى وأنجى (يعني ممكن انك تنجو مرة من مأزق بفضل كذبة, لكن بالصدق تنجو دائما)
كان المهبول ياكل ويبة العاقل ما يعطيهالوش.
كان الخو يحن علي خوه ما يبكي حد علي بوه .
كان جا النواح بالطلبة لاترحم من مات
كان جا النوم يكبر راهو كبر القطاطس
كان جا فالح راهو من البارح
كان الكلام من فضة يكون السكات ذهب
كان النّواحْ بالطَّلبة لا يرحمْ من مات
كان صَاحْبْـك عْسَل ما تَلّحْسُوشْ الكُل
كي سلُّومْ النصارى.. الطولْ والخسارة..( في زمن الإستعمار كانت كلمة النصارى وكذلك الروامة (الروم) تطلق على الفرنسيين والأروبيين عموما.. ويعني المثل : الشيء الفاقد للجدوى مع أهمية شكله)
كي قنديل باب منارة ما يضوي كان على البراني
كي الزير المتّكّي... لا يضحّك ولا يبكّي...( يعني هذا المثل الإنسان الفاقد للجدوى: مثل الزِّير وهو القلّة الكبيرة المستعملة للتخزين، المتّكّإ... لا يُضحِك ولا يُبْكي)
كي الملح ما يغيب على طعام (الشخص الي تجده ندو رأي في كل المواضيع و حاضر في كل المناسبات)
كل من كان عالي وطى و كل من كان سارح بالشياه هطى
كل من كان عالي وطى(كل من كان متكبر اصبح خسيس)كل من كان سارح بالشياه هطى ( كل من كان سارحا قام بالنزوح الى المدينة )
كل قوة للضعف ترجع
كل توخيرة فيها خير
كل من سمن يهزل وكل من طار ينزل
كل فول لاهي في نوّارو
كل واحد مغرفتو أش هزت
كل شاه تتعلق من كراعها
كسكسلو يرجع لأصلو (يشبه هذا المثل التونسي المثل العربي الطبع يغلب التطبع)
كيد الرجال كيدين و كيد النسا سطاش (ستة عشر)
كيد النسا اثناش (اثني عشر) وكيد الرجال مافماش
كيف سيدي كيف جواده
كلام الليل مدهون بالزبدة تطلع عليه الشمس يذوب (يقال لمن يقول كلام و يعد بوعود و في الآخر لا ينفذ شيء)
كلامك مع اللي مايفهمكش ينقص في العمر
كي إحتجتك يا وجهي خبشوك القطا طس
كنت بالهم القديم راضي، جاني الجديد زاد أمراضي
كثرت العموما في السنين المشومة
كثر الهم يضحك
الكلب كلب و كان يغطسوه في الذهب
كلب ينبح على طيارة
كان الصيف نار، الخريف جنة
كان يمشي للبحر ينشح (يجف)
كان عندها زيت في عكتها (الآنية التي يحفظ فيها الزيت) راهو بان على قصتها (غرة المرأة).
كان جا عندك سعد يا أمّ سعِيد ما يموتش راجلك نهار العيد
كول مليح و إلبس مليح و خلي الناس تحسب في الريح
كولها من يد شبعان إذا جاع و ما تاكلهاش من يد جيعان إذا شبع
كالمنشار طالع ياكل هابط ياكل
كول وإلا طير قرنك
كل علة زارت للا حتى من بغلة عبدالله
كل علة زارت للا وحتى علة ما هزت للا

ل

اللي فيه طبة عمرها ما تتخبى
لا دخّلْ ايدِك للمغَاغيرْ لا تلسعكْ الِحنوشهْ
لا طاح و لا دزوه
لا حر خير من حر ولا حدْ باباه باشا
لا تاخو المطلق لا تعيش معلق
لا تجري جري غزال في مهمودة
لا تجري جرية النعامة و لا تشابط سماء بيديك ما تاخذ الا ما يكتبلك وما تكسب الا ما يعطيك
لا تحسبوا الرقص طربا فالطير يرقص مذبوحا من الألم
لا تحل عين و لا توحل في سدانها
لا تدخل إيديك في مغاغر لا تلسعك العقارب
لا تفكر في المفقود حتى لا تفقد الموجود
لا تنــــدب لا تشـــد الطفلة
لا توصّي يتيـم على نواح
لا يعجبك نوّار دفْلة في الواد عاملْ ضلايلْ و لا يعجبك زين طُفْلة حتّى تشوف الفعايل
لا ينفع في البالي ترقيع ولا في صاحب السوء عزاره
لا مغلوب في خير
لا تخلط روحك بدشيشا لا تبربشك دجاج
لا يفرّق لا بين الكفته لا بعر الجحـــــــوش
لابد للبومة من غادي
لسانك صوانك اذا صنتو صانك واذا خنتو خانك
لشكون تجري يا تاعس للراقد الناعس
لشكون تحرقس يا مرة الٱعمى
اللي ليك ليك و اللي خاطيك خاطيك
لقى مدينة خالية، قام فيها الآذان
لو تلبس من الذهب صريمة ما نراك كان بالعين القديمة
لقات راجل و تلوج على عينيه
لقاها تبكي من هم الرجال قلها أسكتي تو ناخذك
اللا وية في الهاوية و الخامرة في القرطللة
اللي ماخلالو بوه و جدو قداش يعاني جلدو
لا يرد فاس على هراوة (العصا الغليظة)
لا يجعلنا جرة (مصدر ضرر أو سوء)
لقاها تبكي من هم الرجال قلها تاخذيني

م

ما يْحِس الجَمرة كان الِّي يعْفَسْ عليها ( الألم لا يشعر به إلا صاحبه الذي يعيشه )
ما ناقص المشنوق كان ماكلة الحلوى
مَا يْـلِزْ لِلْمُر كان إِلِّي أَمَر مِنُّو( يْلِزْ = يدفع / ما يدفع للمرّ إلاّ ما هو امرّ منه)
ما يقولوش : قدّاش غاب؟ يقولو : آش جاب
ما تاخوش هجّآلة و كان يبدى خدّها مشموم، قد ما تكركر و تجيب تقلّك يرحم المرحوم
ما يقعد في الواد كان حجرو
ما يغلب السّارق كان القطعي
ما توصّي يتيم علي نواح
ما خصّ المشنوق كان ماكلة الحلوى
ما كحّلت العمشاء، كان العرس وفا( وفا يعني انتهى، يقال المثل لمن تأخر في الاستعداد لشيء حتى يخشى فواته )
ما يغلبك كان اللي يقولك أعطيني متاعي
ما يغلبك كان اللي يقلك رجعلي فلوسي
ما يدوم في الواد كان حجرو
ما يبكيلك كان شفرك و ما يندبلك كان ظفرك
ما يغلب الرطل كان الكيلو
مخيبك يا صنعتي عند غيري
ماذا من متهوم في الباطل شنقوه, وماذا من قتّال سترْ اللّه غطاه
ماذا كليتى لوح يا براكة.
من كثرة الرّياس تغرق السفينة
من فم البير ولا من قاعو
من القوت كسيوا الياقوت و على القوت باعو الياقوت ( معناه انالاقتصاد و حسن التصرف يكسبك الكنوز و المصاريف المبالغ فيها تفقد المرء ثروته)
مسو تسمع حسو
مطر مارس ذهب خالص
مطر أفريل اطلع السبولة من قاع البئر
مهبولة و زغرتولها في وذنها
مرض القلق لاحمّى لا عرق
مياة غربال ما يميْلوش العديلة
ملي دفنوه مازاروه
مبركك يا راجل امي لوّل
من المرسى بدينا نقدفو
ميمونة تعرف ربي و ربي يعرف ميمونة
معيز و لو طارو ( تعبير عن العناد و التصلب في الرأي)
ما تصبش الماء على البطيخ
ما دواء الفم لبخر كان السواك الحار
منين نبداك يا شحم لوراك (من أين نبدأ العمل)
ما يكبر راس إلا ما يشيب راس
ما شتى كان ما وتى (استعد لاستقبال فصل الشتاء)
مات البحر وصلى عليه الحوت (ختام الأمر)
ماذا من فقر يشبه للغنى وماذا من غنى يشبه للفقر
ما يحرق بالنار كان العزيز الجبار
ما تدوم غمة على أمة.
ما يبقي في الواد كان حجرو
ما را عيّشة في سوق الخميس
ما خلطش للعنبة قال قارصة
منقور سيدي دِمْدِم يعطي و يندم
متهوم بالشبعة ميت بالشر
منكوب وناقص ركوب
مشيانك حافي ولا تكركيرك في الشلايك
مبعد هكا على هكا ومبعد تونس على مكة

ن

نحي من الجابية حط في الخابية
نهَيّرْ من عندْ عمّك فُورَايرْ ( فوراير هو شهر فيفري/ فبراير في التقويم العجمي في تونس و يشتهر بتقلب الطقس فيه فالمثل يعني يوم متقلب و طقس سيئ )
نهار على عمار
نشرب كاسي ونموت حذا ناسي ولا يقولوا ساسية بنت الساسي
نا نخاف مالأيام يا مضنوني تهز المليح و تخلفلنا الدوني
كالمنشار طالع ياكل هابط ياكل

هـ

هوَ يْغَنّي وجْنَاحُو يْـرُدْ عَـلِيهْ ( تقال لمن لا يُسمع له كلام )
هرب من قطرة جا تحت الميزاب ( اي هرب من مأزق صغير ليقع في مأزق كبير )
هو إقول خالتي توة تغنيني و هي تقول أوليد أختي توة يسرحلي إبلاش
هذا التقتاقو مازل الفلاقو
و

واحد يشتهيه و لاخر يلعب بيه
واحد يحلب و واحد يشد إلمحلب
ولد البط عوام ( الطفل يتعلم هوايات ابيه )
ولد الفار يطلع حفار
وقت الدبارة تكثر النّاس ووقت الحاجة ماتلقى حد
وقت الصيادة مشى السلوقي يخرى
وكرك وكرك ولو على عود يابس
وين دمك وين همك ( اي ان اقاربك هم من يحسدونك )
وقفت الزنقة بالهارب
واش تحبلك زيت يا فريت واش يحبلك لوح يا براكة

ي

يبيع القرد و يضحك على شاريه
ياكل في الغلة ويسب في الملة
يا مزيّن من برة اش حالك من داخل
يا مكثّر الأصحاب يا متلّف خيارهم
يا حافر حفرة السوء حفرها على قد قياسك
يا داخل بين الظفر و اللحمة ياخارج بالنتونة
يلى لاهي بهم الناس همك يمشوم أكداس قالو نتلها بهم الناس وهمي نكريلو تراس
يلعب في السكة ويقول اشبيه التران ايزمر
يحبوها سباقة و جراية و ماتاكلش الشعير
يد وحدة ما تصفقش (اي أن يد واحدة لا تقدر أن تصفق, يلزمها يد ثانية حتى تتكامل معها, اي ما معناه في الاتحاد قوة)
يشعل النار و يقول الدخان منين ؟
يعطي الفول للي ما عندوش ضروس
يعمل من الحبة قبة (أي يقوم بتهويل أمر بسيط )
يمين البكوش في صدره
يا نهارت الموت يا نهارت الكشفة
يعطيني شرقه بريقي نعرف من حبيبي من صديقي
يرحم من قرا وورى
يشعل النار و يقول الدخان منين
يتعلم في الزلق في دار الصابون
يا وعد الله و الزمان عكِس الورد تقلع و البصل تغرس